Arifaj tregon se a meriton të ftohet në Përfaqësuesen e Kosovës

Turqia do të jetë ndalesa e radhës për Përfaqësuesen e Kosovës, në duelin e tretë që do ta zhvilloj në kuadër të eliminatoreve për botërorin ‘Rusia 2018’.

Përzgjedhësi, Albert Bunjaku ka marr shumë kritika nga analistët vendor, për mos ftesën e më shumë futbollistëve nga kampionati i Kosovës.

Në listën e fundit, ai që është duke mbrojtur ‘nderin’ e Superligës, është portieri i Trepçës ’89, Bledar Hajdini.

Por a e meriton të ftohet golashënuesi më i mirë i Superligës në Përfaqësuese, na tregon vetë Arifaj. “Shumica mendojnë që në Kosovë nuk luhet futboll shumë cilësor. Në fakt edhe nuk kanë faj pasi janë shumë terrene të vështira për lojë, që bënë të duket se përnjëmend s’ka asgjë në Superligë. Unë edhe pse jam për momentin golashënuesi më i mirë i Superligës, mendoj që nuk e meritoj të marr ftesën nga përfaqësuesja. Nuk e kam atë përvojën që duhet pasur. Nuk kam luajtur në ndonjë lig të fortë për të vlerësuar vetën më mirë. Ndoshta jam gabim por kështu mendoj. Unë vetëm i dëshiroj suksese Kosovës në përballje me Turqinë. Ishalla me pak fat të dalim me një rezultat pozitiv”, deklaroi Arifaj  ‘Gazetën SportPress’.

Granit Arifaj pas javës së 13-të në Vala Superligen e Kosovës në futboll kryeson renditjen e golashënuesve me nënë gola.