Ushqimet më të mira verore për të humbur peshën e tepërt

Vera është periudha e duhur për të humbur kilet e tepërta dhe ushqimet sezonale janë mënyrat më të shijshme për t’ia arritur qëllimit.

Domatet janë burimi më i pasur i likopenes, një antioksidues i fuqishëm që mund të ulë inflamacionin në trup dhe kontrollon nivelet e leptinës, një hormon që rregullon oreksin.

Perimet përmbajnë gjithashtu shumë pak kalori (një domate mesatare ka vetëm 22 kalori) dhe janë të pasur me vitaminën C, një antioksidues që ndihmon në djegien e yndyrës, sidomos gjatë aktivitetit fizik. Zgjidhni domate organike, një studim ka zbuluar se domatet kanë 55% më shumë vitaminë C.

Dredhezat – Një studim i Universitetit të Harvardit ka zbuluar se dredhezat ju mbajnë larg kileve të tepërta falë nivelit të ulët të glicemikës, që do të thotë më pak nivele të sheqerit në gjak. Dredhezat janë të pasura gjithashtu me fibra, të cilat ju japin ndjesinë e ngopjes.

Karkaleca – 85 gramë karkaleca përmbajnë 101 kalori, 19 g proteina dhe vetëm 1 g yndyrë, që ju ngopin menjëherë. Ata janë gjithashtu një burim i mirë i selenit dhe vitaminave B që rrisin energjinë.

Spinaqi – Një studim i publikuar tek revista “Appetite” zbuloi se konsumimi i rregullt i një pije me ekstraktin e spinaqit rrit rënien në peshë me 45% dhe largon oreksin me 95%. Prandaj përfshijeni sa më shumë spinaqin në recetat tuaj.

Shalqiri –Nuk ka verë pa shalqi. Meqë është 92% ujë, shalqiri ju mban të hidratuar, ndërsa shija e tij e ëmbël ju jep ndjesinë e ngopjes.

Kungulli i njomë – Edhe kungulli i njomë përmban shumë pak kalori dhe është i pasur me kalium, që parandalon fryrjen e barkut.